ღია მონაცემების ერთიანი სამთავრობო პორტალი (შემდგომში - ,,პორტალი“) - საჯარო სექტორში არსებული ღია მონაცემების გამოქვეყნების, ხელმისაწვდომობის, საზოგადოების მიერ მონაცემთა დამუშავებისა და შემდგომი გამოყენების მიზნით საქართველოს მთავრობის მიერ შექმნილი ერთიანი ვებ-რესურსია (data.gov.ge).

პორტალზე საჯაროობისა და „ერთი ფანჯრის“ პრინციპების დაცვით გამოქვეყნებულია ადმინისტრაციულ ორგანოებში არსებული მონაცემები, რომელიც სტრუქტურირებული, კითხვადი და გამოყენებადია ნებისმიერი პირისათვის სხვადასხვა ტიპის პროდუქტებისა და სერვისების შესაქმნელად. პორტალზე ღია მონაცემების გამოქვეყნება და სისტემატიური განახლება ხდება მანქანა-კითხვად ფორმატში.

ღია მონაცემების პორტალით სარგებლობისას, ქვემოთ მოყვანილი ტერმინები გამოიყენება შემდეგი მნიშვნელობით:

პორტალის გამოყენებისათვის არ არის საჭირო რეგისტრაცია ან რაიმე ხასიათის პერსონალური მონაცემის დამუშვება პორტალზე მონაცემთა ძიებისა და გამოყენების ზოგადი ინსტრუქციისათვის, მიმართეთ „ხშირად დასმული კითხვების“ განყოფილების შესაბამის ქვეთავს.

პორტალზე გამოქვეყნებული მონაცემებით სარგებლობისათვის, მიუხედავად მათი ფორმის, შინაარსის თუ მოცულობისა, რაიმე საფასური ან გადასახადი დაწესებული არ არის.

თუ სხვა რამ კანონით ან წერილობითი შეთახმებით გათვალისწინებული არ არის, ღია მონაცემთა პორტალზე გამოქვეყნებული ინფორმაცია წარმოადგენს მონაცემთა მფლობელის საკუთრებას. ღია მონაცემთა პორტალის ადმინისტრატორი არ არის პასუხისმგებელი მონაცემთა სიზუსტის, სისრულის, დროულობის, ხარისხის და სხვა შესაბამისი მახასიათებლის შედეგად გამოწვეულ სამართლებრივ შედეგზე.

ღია მონაცემთა პორტალის მეშვეობით გამოქვეყნებული ყველა მონაცემი წარმოადგენს საჯარო ინფორმაციას. პორტალზე გამოქვეყნებული მონაცემების საჯაროობის კრიტერიუმის შემოწმება და არასაჯარო ინფორმაციის გასაჯაროების ყველა სამართლებრივი შედეგი ეკისრება მონაცემთა მფლობელს.

ღია მონაცემთა პორტალის ადმინისტრატორი პასუხისმგებელია პორტალის, როგორც პროგრამული პროდუქტის, უსაფრთხოების უზრუნველყოფაზე, რაც გულისხმობის მისი მდგრადობისა და მავნე კოდისაგან დაცვის უზრუნველყოფას. ღია მონაცემთა პორტალის მეშვეობით გამოქვეყნებულ მონაცემთა კონფიდენციალობის, მთლიანობისა და ხელმისაწვდომობის დაცვა ევალება მონაცემთა მფლობელს.

ყველა მონაცემი და ინფორმაცია, რომელიც განთავსებულია ღია მონაცემთა პორტალზე, უნდა პასუხობდეს „პერსონალურ მონაცემთა დაცვის შესახებ“ საქართველოს კანონის მოთხოვნებს. ამ მოთხოვნების დაცვა მონაცემთა მფლობელის ვალდებულებას წარმოადგენს. თუ თქვენ თვლით, რომ თქვენი ან სხვა პირის პერსონალური მონაცემი პორტალის მიერ მუშავდება შესაბამისი სამართლებრივი საფუძვლის გარეშე, გთხოვთ, მიმართოთ პერსონალურ მონაცემთა დაცვის ინსპექტორის აპარატს:

ღია მონაცემების პორტალის დიზაინი, ლოგო და შიგთავსი – გარდა მასზე განთავსებული ღია მონაცემებისა – წარმოადგენს საავტორო და მომიჯნავე უფლებების დაცვის ობიექტს და მათი გამოყენება დაუშვებელია პორტალის ადმინისტრატორთან წინასწარი შეთანხმების გარეშე.

ღია მონაცემების პორტალზე განთავსებულია საჯარო ინფორმაცია – შესაბამისად, მონაცემთა ჩამოტვირთვის შემდეგ მათი შემდგომი გამოყენება შეზღუდული არ არის. ამასთან, პორტალზე შესაძლებელია განთავსდეს მონაცემთა ისეთი ბაზები ან ცხრილები, რომელთა გამოყენებაზეც დაწესებულია გარკვეული შეზღუდვები ან/და გამოყენების განსხვავებული პირობები. მონაცემთა ჩამოტვირთვის შემდეგ მათი დამუშავების შედეგად წარმოებული მონაცემების სისწორეზე, სისრულეზე, დროულობაზე, ხარისხსა და სხვა მახასიათებლების დაცვაზე მონაცემთა მფლობელი და პორტალის ადმინისტრატორი პასუხისმგებლობას არ იღებენ.

ღია მონაცემთა პორტალის ადმინისტრატორი და მონაცემთა მფლობელი, პორტალზე გამოქვეყნებული მონაცემების საჯაროობის გათვალისწინებით, არ წარადგენენ და არ ახორციელებენ საავტორო და მომიჯნავე უფლებებს პორტალის მეშვეობით გამოქვეყნებულ მონაცემებზე. შესაბამისად, პორტალიდან აღებული მონაცემების გამოყენება არ მოითხოვს რაიმე ლიცენზიის, ნებართვის ან შეთანხმების არსებობას. ამასთან, პორტალიდან აღებული მონაცემების გამოყენებისას, მოითხოვება მითითება იმის თაობაზე, რომ ეს მონაცემები სწორედ პორტალიდან არის მიღებული, მაგალითად: